劉綽琪希望豬年鴻運當頭，早前以2,500元購入一頭近期新興寵物麝香豬，更買了一件金色衣服給小豬，她說：「小豬平時喺屋企瞓覺多，好為食，自己識得喺指定地方大小便。食嗰方面好簡便，只係食蔬果，不過有人掂佢或者想抱佢，佢就會尖叫。養咗呢隻豬之後，我少食咗豬肉，有時諗起會覺得好殘忍。」
返內地掘金
農曆年後，劉綽琪剛好轉投亞視一年，雖然成績未算突出，但為她帶來不少到內地搵真銀的機會，她說：「內地工作多好多，可以密密賺錢，收入都唔錯。」
感情方面，劉綽琪已有一位穩定的圈外男友，問她有否打算趕快當豬年新娘？她說：「仲好享受二人世界，唔會咁快結婚。」
採訪：卓寶花
攝影：葉君海