新春期間，大多數年輕人都愛唱K、睇戲或竹戰，黃宗澤卻與別不同，選擇到海洋公園重拾童真，既跟鸚鵡做個friend，又欣賞雜技團的馬戲表演，同時他更克服畏高心理，勇登離地120米高的熱氣球，希望在新一年能步步高陞。
「玩多次都仲得」
當日黃宗澤遠遠見到熱氣球時已笑說：「我唔係畏高，係驚玩遊戲時啲離心力，試吓啦。」其後他順利升空，由於熱氣球沒有搖晃，相當穩陣，故起初稍見緊張的他也漸漸放鬆情緒，還滋油淡定擺甫士拍照兼笑說：「唔驚喎，玩多次都仲得。」
豈料說時遲那時快，黃宗澤已被5歲大的藍黃金剛鸚鵡BonBon吸引視線，由於工作人員將鸚鵡放到他的肩膊上時，曾叮囑他溫柔一點，因BonBon很容易受驚嚇，故此黃宗澤一動也不敢動，一人一鳥四目交投，場面搞笑，沒多久他們已經變得很friend，黃宗澤更親自餵牠吃瓜子，令BonBon冧到瞇晒眼。
採訪：朱倬誼
攝影：葉君海
