近年美國富商頻頻入主英超球會，估唔到連NBA球星尼殊都有興趣。呢位太陽主力原來身家好豐厚，據講佢打咗咁多年NBA搵咗成5,200萬鎊（約8億港元），呢嚿錢隨時可以買起英超小型球會做班主。最近尼殊有意收購熱刺部份股份，實行玩埋足球過吓癮。點解尼殊要揀呢間倫敦球會做老細？之唔係佢爹哋媽咪及佢都係熱刺球迷囉！