踏入新一年，孖生姊妹衞蘭（Janice）和衞詩（Jill）雖然明知自己中文水皮，但仍膽粗粗接受挑戰，寫揮春向大家拜年，二人邀請了同門好兄弟應昌佑現身幫手，不過應昌佑從小到大都念國際學校，只會看中文卻不懂寫，結果三個人齊齊睇牆上揮春，才能順利完成大作，事後他們都表示要急起直追苦學中文。
衞詩留港陪胞姊
今個農曆新年假期，衞蘭姊妹和應昌佑均獲公司批准放假，不過Janice因要為下月舉行的處女個唱做準備，放假時也要繼續練歌，她苦笑說：「其實新年最慘唔係要做嘢，而係要keepfit戒口，自己就好鍾意食年糕，以往新年都會自己整嚟食，但係今年我要忍口，所有肥膩嘢都唔食得。」
Jill笑說：「因為4月我會同家姐去巴黎旅行，所以新年我唔會離開香港，寧願留喺度陪佢囉。」應昌佑則如往年般到台灣過年，但又表示新一年希望有機會到台灣及內地發展。
採訪：駱華齡
攝影：林德雄
化妝：江中平@A&VMakeupSchool
髮型：Michael@HairCulture
服裝提供：裕華國貨
