名模馬詩慧與王敏德及三名子女，一家人日日熱鬧得猶如過節，早前馬詩慧與子女親子樂做黏土豬畫，送給今年12歲、屬豬的二女兒麗嘉兼賀年。不過幼子躍穎搓黏土變做豬屎，一家大細娛樂無窮。
王敏德太太馬詩慧早前帶同長女王曼喜、二女麗嘉和孻仔躍穎，到葉蘊儀於銅鑼灣開設的香港黏土藝術學院，做賀年豬畫親子同樂。馬詩慧一家夾手夾腳開始做黏土畫時，氛氛非常熱鬧，囝囝躍穎最開心，爭住調色、搓土和上色，他說：「輪到我，輪到我。」不過10分鐘後，新鮮感一過，躍穎即變身破壞王，堅持要搓豬屎貼上黏土畫，又用黏土做乒乓球拉着二家姐對打，場面搞笑。
三母女齊心事成
做黏土畫時，長女曼喜最認真，細心整畫框的小花及心形，母親馬詩慧負責搓豬仔，麗嘉做福字，三母女堅持耐心做，花了個半小時，得意可愛的賀年豬畫終告完成。
馬詩慧大呼比想像中困難，她說：「第一次同啲仔女玩黏土，幾得意，不過有啲形狀幾難搓，我唔知點解搓隻豬仔就搓到似老鼠仔。」提到屬豬的女兒麗嘉，馬詩慧指她個性開朗兼愛笑，將來最適合演喜劇，她說：「佢自己同全家人嘅新年願望都一樣，希望佢升中派位可以喺原校瑪利曼讀書，咁就安心晒，做人父母嘅係呢方面壓力最大。」
採訪：DebbieLum
攝影：RickyIp
場地：香港黏土藝術學院
