澳洲青訓在世界球壇享負盛名，近年不少球員更在歐洲頂級聯賽立足；但來港參加賀歲盃的澳洲奧運隊（圖），初一對國奧隊竟全無還擊之力，表現令人大失所望，部份網民還狠批澳奧隊。
ivan2：「以澳洲來看，無咗幾件都未至於此吧！將來點做基維爾、維度卡接班人？我諗港聯初四要醒定啲，話唔定澳洲適應咗第1場後，俾教練『省』完後，班袋鼠仔會打番應有水準。」
FO：「渣到嘔，睇佢大大隻冇身位，除2號（薩高域）同9號（華度錫）有啲底子外，其餘全部好似唔識踢英式足球，嗰件5號（史丹利）大件左閘，連企位都錯晒，完全唔知點解中華台北作客會輸畀澳洲11球，係唔係返咗去嗰4件勁得咁交關呀？」