見過、試用過、比較過，先知道係最好！蘋果iPhone未有人用過，但竟然氣勢過人，原因其實係其他電話牌子唔改進，新機功能來去都係嗰幾招，令齋靠幾幅由官方派發電腦相嘅iPhone仍然成為手界最熱「機選」。
唉……只歎各大品牌唔夠生性，今屆3GSMWorldCongress沒甚突出之作：諾記公布6110Navigator，已將GPS推至更普及；三星翻點UltraEdition，玩「薄」命；索愛更偷步爆出不銹鋼激瘦嘅WalkmanW880i，功夫盡見……可惜，這些小改進未能改變我這類小Fans的激情，iPhone由公布一刻至今，依然咁震撼，期待程度仲係爆晒燈嗰隻！究竟各大廠商係咪已排出最強陣容？仲有冇秘密武器？
仲未知。只了解到連全球最大型嘅手機Show裏面，大家還未有革命性偉論發表，似乎有點兒跌眼鏡罷了。
記者：徐柱共