賀歲片《心想事成》嘅演員喺農曆新年各有各忙,喺過去一年忙於工作嘅楊愛謹(Miki圖),終可趁農曆新年休息幾日,Miki話自入行後,都未試過跟家人去拜年,新一年佢最想儲錢置業,買個千幾二千呎嘅單位,仲會修讀有關藝術同音樂嘅課程。梁漢文就話由細到大,爸爸都會派壓歲錢畀佢,佢又會喺大年初一着紅色內褲。至於蘇玉華話約咗二十幾個朋友去佢屋企食飯,大展廚藝。