新年收到唔少利是，用來購物不知幾happy，老媽子叫我咪洗腳唔抹腳，話有餘錢不如捐錢做吓善事，幫到人又可以積福。作為無神論者，我唔知做善事係咪真係可以改運積福，只知有能力幫到人就幫。一個「你相信多做善事可以改好運嗎？」的投票post，便有超過8成投票者相信行善可改運，其中網友honeysock就相信佛教因果循環論，佢話：「因果不會消滅，除非你不做因，如果做了，不論好惡，種子永留。」所以只要多行善便可將惡果減輕，衰運都變好運！不過最開心都係見到大部份網友都話幫人但求自己開心，nelsonchow就話行善並唔係一場交易，諗住有好運先去做就唔係行善喎！
記者：小雲
網址：www2.discuss.com.hk/viewthread.php?tid=3344001&extra=page%3D1