巨無霸工行舊年10月27日成功在中港兩地上市，成為史上首間A+H股同步上市嘅公司，兩地集資近1500億元，同時成為全球最大隻IPO。
開展戰略併購大計
其實，內地大公司能夠上市都得來不易，皆因以前所有國企都係中央政府揸住100%股權，要上市，首先就要政府分番啲股份出嚟，令啲股份流通市面先有得搞，即係「股改」。早於05年，工行就已經成立「股份改革辦公室」（股改辦），全職做股改，結果工行股改一年搞掂，舊年順利喺中港兩地上市。
上市成功咗，呢班勞苦功高嘅「股改辦」人員功成身退，即係冇嘢撈，但我哋嘅社會主義大家庭非常之有人情味，冇喺新年請佢哋食豉椒炒魷，反而成立一個全新嘅「戰略管理與投資者關係部」，班底依舊，工作由全職搞股改變全職與投資者打好關係，即係做IR，專責境內外資本市場開展戰略併購業務。
宏觀世界知名銀行：花旗、滙豐同埋摩根大通，都係朝住併購方向發展，結果越做越大，睇嚟工行成立新部門，都算成功踏出邁向國際嘅一步。
[email protected]