香港嘅生活節奏越嚟越快，搞到大家都好鬼恨可以提早退休，但做唔做得到就係另一回事，不過，據華華了解，有一個人就快可以實現呢個眾人夢想，佢係花旗銀行香港區行長陳子政，聽講銀行上個禮拜五，即係年廿九，已經出咗內部通知，陳首領會提早響4月退休。
1980年起，唔經唔覺，佢由銀行管理練習生起步，響花旗經已做咗27個年頭，曾被派去東京同埋台北做咗超過10年，但佢始終最鍾意香港，04年得償所願調返嚟，仲響05年答應政府，出任財經界人力資源諮詢委員會主席，為香港財經界人力資源培訓策略畀咗唔少意見。
聽講陳首領今次有咁嘅決定係自願嘅，並唔係咩公司內部改組，佢想多啲時間陪吓太座同兩個女。
之不過佢個公職任期要做到5月底，如果想去四處遊埠，點都要5月後，咁，邊個會接花旗香港區主帥呢支棒呢？
[email protected]