踏入豬年，兩位亞視姐仔吳亭欣和珈潁都想做「廚房愛美神」，日前各自炮製兩款不同風味的新年菜式。來自上海的吳亭欣向入廚多年的媽媽學師，煮上海炒年糕，她說：「我為呢道菜改咗個好名，叫做『年年有筍嘢』，因為加入冬筍係呢道菜嘅特色。做法好簡單，最緊要將年糕、紹菜、豬肉絲切粗條，炒幾炒加少少水焗熟就得，各位姊妹唔使擔心整得唔好食，好似我咁，廚藝唔係好好，做出嚟都有唔少人讚話食得落肚。」
色香味俱全
珈潁茹素多年，今次她示範素食賀年菜「嘻蝦鮑你發」，她說：「叫得呢個名，就知呢道素菜梗係有素蝦同素鮑魚，只要將素鮑魚同素蝦煎到金黃色，用素蠔油埋芡就搞掂，唔難煮，最緊要係賣相好靚，認真色香味俱全。」
採訪、攝影：楊潔雯
場地提供：TowngasAvenue名氣廊