【本報訊】一名大懵司機昨在葵涌一間工業中心的停車場，駕駛密斗貨車離開之際，因遺漏物品要倒車折返取回，卻一時大意「入錯波」，結果衝前猛撼出入口鐵閘，幸無撞倒兩米外一個更亭，否則可能將更亭內的保安員當場夾斃。大難不死的保安員事後頻呼：「好彩咋！再撞過啲，真係大吉利是咯！」肇事司機受輕傷，需送院治理。
入錯波失控衝前
現場是大連排道192至200號偉倫中心地下停車場，昨晨9時許，姓黎（53歲）司機駕駛密斗貨車到卸貨區取貨後，準備沿出口離開時，因遺漏物品被同事喝停，於是倒車折返取物，豈料他大意「入錯波」，導致貨車失控衝前撼向出入口鐵閘。肇事司機一度嚇至暈倒在車內，其後蘇醒過來，頸和腰部扭傷，由救護員將他送院治療。
另外，坐在兩米外一個更亭的姓劉保安員聽聞巨響，即時奔出查看，始赫見自己險遭貨車撞倒夾扁，當場大吃一驚，笑說：「今次好彩咋！一定要還神至得，如果再撞過啲，真係大吉利是咯！」