溫拿騷前晚大年初一在紅館開鑼，五人先來一場「滿城盡跳黃金舞」，女舞蹈員性感得邊跳邊甩裙露股罅，加上五人偶爾記錯舞步，可謂聲色藝皆娛樂性十足。後來五個大男人竟然同台流馬尿，觀眾卻看得熱烈拍掌，原來他們合演溫拿大事回顧短劇時，阿B交代自己捱過了破產歲月，着大家不用再為他擔心，五人便忍不住哽咽流淚，歌也唱不下去。
溫拿在紅館舉行一連13場的「溫拿33好時光演唱會2007」，於前晚大年初一正式開鑼，全場爆滿。五虎早前苦練跳舞，阿倫聲言會來一場「滿城盡跳黃金舞」，結果他們開場便率先大跳20分鐘熱舞，雖然葉智強（阿強）及彭健新（健仔）的舞步略顯生硬，總算誠意搭夠，女舞蹈員更是個個打扮性感，其中一位跳到甩裙露股罅，但五人事後均表示看不到走光情況，阿倫說：「係咩？唔早啲講，我冇時間睇呀。」
嘲阿B似水魚
到演唱會尾段，五人又再勁歌熱舞，譚詠麟（阿倫）見女舞蹈員穿得甚少，便笑說：「見你哋着咁少布，無依無靠咁，真係……」惹得全場大笑。
溫拿請來葛民輝扮黃霑，在台上重演溫拿歷年發生的大事，阿葛黏上極長鼻毛出場，讓人捧腹，現場重播阿倫連續數年得最受歡迎男歌星獎的風光，以及健仔首次擔任電影男主角等，鍾鎮濤（阿B）則說：「我最大嘅心願係組織小家庭，搵個靠得住嘅女人，因為成功男人背後要有個女人，然後我會將我啲歌酬片酬攞去買豪宅……」阿B被阿倫取笑遲早被人呃，阿葛又直指他樣子像水魚，觀眾聞言無不大笑。
陳友獨唱撐場
到最後講到阿B生意失敗要宣布破產，他唱罷一曲《今天我非常寂寞》後，感慨地說：「當初我真係覺得自己窮途末路，但原來路係自己走出嚟嘅，條路幾艱難都好，今日我可以好欣慰咁同自己講，同大家講，我已經行過咗，大家唔使再擔心我，好多謝你哋嘅支持，多謝溫拿。」阿倫及健仔等此時上台，阿B掩面流淚，然後與隊友逐一擊掌擁抱，阿倫等也忍不住拭淚哽咽，本來五人合唱《朋友》，最後只得陳友獨力撐着唱下去，場面感人，全場觀眾即以掌聲鼓勵。
事後阿B接受訪問時說：「嗰剎那講啲真心話出嚟啫。」阿倫說：「搞到我一句都唱唔到。」健仔笑說：「第二場佢再講，我哋要掩住耳仔唔好聽，唔係又唱唔到。」
採訪：馬建華
攝影：陳俊強
