徐子珊日前喺鯉景灣拍攝無綫劇集《舞動全城》，要濕身拍攝，工作人員用大水喉噴水，營造落雨情景。雖然又凍又濕，但着單薄衣服嘅徐子珊一樣唔驚，佢話：「導演想做到好傷感、浪漫嘅氣氛，做到好似韓劇、日劇，所以安排落雨。每次我拍落雨、落水戲都會好凍，不過工作人員準備晒啲嘢畀我，我覺得好溫暖。」