「大家點睇女仔唔聽電話？」網名「李克勤」的男網友昨日在高登討論區提出問題，指致電女孩子無人接聽，對方不覆電話，但「一頭半個鐘」後或翌日又再次來電，雙方卻若無其事，還「傾得好哋哋」，希望見識廣博的網友分析這現象背後的女孩子心態。他又問：「其實女仔係咪唔多鍾意覆missedcalls？定係因為想吊高嚟賣，扮矜持之類？」
論題一出，網友「死之天使」首先發難：「你唔畀人哋出咗街，唔喺屋企或者出街唔記得帶手提㗎？」網友「迷妳細」則耐心地解釋：「有啲人係真係唔鍾意覆，佢哋覺得如果你有緊要事嘅話，會打到佢接聽到為止，既然唔打，佢哋就唔鍾意覆番咯！」
「好憎男仔放軟把聲」
女網友阿煩說：「不如講吓我啦，我好多時都係咁。其實，對於聽唔到嘅電話，我係會選擇性地回覆嘅：同學會覆，好耐冇打嚟嘅會覆，反而係一啲想追我但又冇內容嘅人，我一定唔覆。我好憎啲男仔放軟晒把聲同我講嘢，想嘔！」有網友問：「咁但係如果係一個你受佢媾嘅男仔呢？你會覆佢定等佢再打嚟？」此時阿煩改變態度，坦言「如果我sure係對嗰個男仔有意，我一定會覆嘅！」