香港人由朝忙到晚，難得農曆新年期間良朋共聚，打幾圈麻雀實是賞心樂事。不過，三缺一固然冇癮，「五個凸一個」也不是味兒，網友takei近日在ShareGet討論區張貼了一張五人麻雀相：麻雀枱變成五邊形，五個人都有得打，可謂皆大歡喜。
「都唔知佢哋點打？」「好似玩波子棋咁。」網友議論聲中，油核桃讚歎說：「我知道還可以打七個人的，不過沒有見過這麼專業的桌子……」。ctbjamie則狐疑：「第一次看到這樣的方式玩麻雀，不知道規則是否和一般的一樣？」另一網友附和說：「看來要重訂整個遊戲規則。」
「一般麻雀只有東南西北風，不知第五個是甚麼風？」kao6618剛剛問完，亞彤接着道：「咁打法係唔係一樣㗎？」試圖解答說：「係一樣㗎~~都係咁打咋嘛。」阿牛感歎說：「咁樣嘅話，6人7人都打得啦……真係怪啊！」