陳奕迅（Eason）與何韻詩雖然思想洋化，但他們很喜歡農曆新年，因為只有這個大節日才可以有長假期好好休息。何韻詩今年留港過年，她打算相約一班朋友去拜年，好似前年到Eason家玩魚蝦蟹一樣，熱熱鬧鬧玩到癲。
由於全球暖化，今年港人過了一個熱新年，故陳奕迅希望大家可以注重環保，他日前說：「我睇咗講地球生態嘅電影，覺得好恐怖，如果大家唔錫多啲呢個地球，地球就會越嚟越熱，如果所有人都慳啲使啲資源，地球壽命先可以長多啲。」為了環保，Eason鼓勵太太徐濠縈不必到銀行換新鈔票封利是，他認為一人行多一步，減少製造廢物，地球自然會更美好。
呼籲錫住地球
如果不出埠過年，Eason會偕妻女到長輩家拜年，他說：「以前過年就係收人利是，呢兩年開始派利是畀人，原來派利是嗰刻都幾開心，因為收利是嘅人一定會講啲好意頭說話，咁派嘅開心，收嘅又開心，咪幾好！年年新年我會抽時間去探吓阿婆，平時我工作忙，真係唔可以成日去睇佢，所以新年有假，我一定陪佢食餐飯。」
何韻詩今年春節會選擇留在香港過年，因為新年出埠人太多，她寧願在港休息幾天，她說：「過年期間好多人出咗埠，所以留喺香港反而會幾清靜，呢兩日我會約埋啲朋友去拜年，好似前年我去咗Eason屋企拜年，成班人玩魚蝦蟹，真係幾鬼熱鬧。」
問阿詩今年有甚麼展望？她說：「好多人覺得我今年初嘅樂壇成績表好過上年初，但我就覺得06年張成績表好啲，今年我主力喺歌唱方面發展，出一張國語碟，希望可以開拓海外市場。」
採訪：陳月媚 攝影：陳偉權
