鄭中基好緊張佢首次執導嘅賀歲電影《心想事成》，前晚年三十晚，佢約埋經理人黃柏高（Paco）同谷德昭去銅鑼灣總統戲院，睇吓午夜場觀眾嘅反應，鄭中基嘅爸爸鄭東漢都有到場支持。現場所見，鄭東漢同Paco企喺戲院門口等，鄭中基就坐喺保母車入面，原來鄭中基怕企喺門口會引起混亂，所以諗住開場先至入去。