今年市道好番好多，樓市興旺，特別多新樓盤落成，當然有唔少人心郁郁想買層樓，不過若想今年過得更好，咁買樓或租樓前就要認清方向，要搵出風水樓喺邊，咩方位又旺乜嘢，咁就唔怕住正凶位行衰運啦。要買啱風水樓行豬年大運，就等楊天命師傅醒你兩招！
記者：葉雪芯
攝影：伍慶泉、黃子偉
Model：Lion、Yoyo、Kinki、PC
鳴謝：美聯集團
豬年樓市有升幅
相信每到農曆新年，唔少人都會關心邊個方位旺財，邊個方位大利，玄學家楊天命師傅便為香港起了一支卦：「鼎，元吉亨。」即鼎卦，啓示為「欲尋有利處，西南是吉方」。以卦象而論，本年的「八白財星」會飛臨西南之地，而「鼎卦」之「未」為妻財，巧合地，也同樣代表了西南方，而「鼎卦」是屬於「勾陳妻財」之局，所以也就是代表了西南方將會於房地產方面，有相當不錯的發展。至於哪個方位旺桃花、旺文昌，咁就要聽吓師傅點講。
旺財：西南位
做生意或想創業的朋友，要留意流年主正業之財的八白左輔星去到西南位，在西南方求財就最有利，所以若想生意旺，財運好，喺西南方如大角嘴、奧運站等地置業就最大吉喇，其中君匯港同港灣豪庭，由於交通方便，價錢又屬中價，是以成為不少業主的上車盤首選。
大角嘴食肆林立
01港灣豪庭
港灣豪庭屬大角嘴內大型的私人屋苑，全個屋苑共有10座，單位間隔很多元化，除有私人會所外，還設有商場，附近又有奧海城，方便購物。最重要係出名的食肆近在咫尺，想食乜都好方便。
地址/地段：九龍大角嘴福利街8號
發展商：恒基兆業、香港小輪（集團）有限公司
物業座數：共10座
物業層數：44層
建築面積：約477至874呎
單位總數：3,520個
呎價：約$4,000
配套設施：會所設施包括泳池、健身室、保齡球室、攀石練習場、桑拿浴室等；鄰近南昌西鐵及荔枝角地鐵站。
大角嘴美食
住得大角嘴，就一定唔怕無嘢食。呢頭細細間嘅食店唔少，仲好有口碑，好似大角嘴道嘅越旺美食、中匯街嘅沾仔記、埃華街英記豬油渣麵，好多街坊都去搵食㗎！
02君匯港
地址/地段：九龍深旺道8號
發展商：新鴻基地產、地鐵
物業座數：共5座（不設第4座）
物業層數：48層
建築面積：約617至2,147呎（相連3,400呎、複式約5,200呎）
單位總數：1,514個 呎價：約$8,000
配套設施：花園、室內外游泳池、桑拿室、卡拉OK室、遊戲室、兒童遊樂埸、健身室等；鄰近南昌西鐵及荔枝角地鐵站，有25條巴士及小巴路線。
旺文昌：西位
原來文昌唔單只指讀書考試運，仲係指從事文職人士，今年主功名科甲（即讀書考試、職位升遷等）的四綠木文曲星落在西面，如果住正香港西面如西環、上環等地方，對於阿仔阿女讀書運一定有幫助，亦利一眾文職打工仔。
堅尼地城食正名校網
03泓都
泓都的間隔大多以長形設計，大廳地方實用，易於布置，且外接露台，活動空間充裕。不過最得父母歡心嘅係喺正名校網，咁仔女入讀好學校的機會又大增。
地址：香港堅尼地城新海旁38號
發展商：新世界發展有限公司及市區重建局
物業座數：3座 物業層數：約45-52層
建築面積：約400-1,600呎
單位總數：1,182個 呎價：約$5,200
配套設施：位於中西區名校網，與旺區中環只隔15分鐘車程。
04怡峰
地址/地段：
香港堅尼地城加惠民道33號
發展商：
兆信（香港）有限公司
物業層數：38層
物業座數：1座
建築面積：
773-1,108呎
單位總數：89個
呎價：約$12,746
配套設施：
鄰近11區小學及中西區名校網
旺桃花：東南位
人緣好、左右逢源，有邊個唔想？今年主愛情同人緣交際的一白貪狼桃花星去到東南，求姻緣或人緣嘅朋友，不妨多點去東南方或在東南方置業，如將軍澳、清水灣、筲箕灣等地，仲係小姑獨處或王老五嘅就要留意喇！
將軍澳新興購物中心
05城中駅
將軍澳城中駅因為座落調景嶺地鐵站上蓋，附近有中小學配合，加上樓下商場就快開幕，食肆和商店都近在咫尺，是年輕家庭的置業之地。如果購物癮大起等唔切，又可以到鄰近新都城中心，那兒有食肆和商場，包保你買到唔捨得走。
地址/地段：調景嶺地鐵站上蓋
發展商：長江實業、地鐵、南豐發展（發展策略）
物業層數：共69層 物業座數：共5座
建築面積：約600呎至1,200呎 單位總數：2,096個
呎價：約$4,100
配套設施：34萬呎會所，有室內外游泳池、健身室等70項設施。位處調景嶺地鐵站上蓋，去港島及觀塘線都很方便，約8分鐘便可直達港島。
歌舞技藝表演
新都城今年玩蒙古大漠風情，布置了佔地達700平方呎的蒙古包，配合其他服飾及食品，仲有仿製正宗蒙古駿馬及綿羊，呢幾日更有蒙古歌舞技藝表演團到場，表演「喉音」、蒙古摔跤、馬頭琴演奏及草原舞等。查詢：28386812
06御景軒
地址/地段：筲箕灣道250號
發展商：敦鴻發展有限公司、潤輝企業有限公司、浩協發展有限公司、福傑投資有限公司
物業層數：26層（不設4、14、24/F）
物業座數：1座
建築面積：515呎至720呎
單位總數：100個 呎價：約$4,300
配套設施：鄰近東區14區小學校網及東區中學網，與蘇豪東國際美食區只隔15分鐘路程，鄰近各式購物熱點如太古城。
太古城演奏新年歌
在鄰近的太古城中心，今年以江南美景為布置主題，仲請咗來自北京的女子中樂團「陽光女孩」演奏新年歌。新年期間商場都照開，大家可以繼續shopping。查詢：25688665
利健康：避東北
流年利東、南、西各方都不俗，惟獨健康較弱或一向多病痛的朋友要避東北位。因為主生育、喜慶、自身健康的九紫火右弼星今年座落於東方，所以尤以東面最好，所以如果置業在銅鑼灣、北角等東區則大利健康。
07渣甸豪庭
渣甸豪庭的賣點當然是位處豪宅地段，所有單位均為過千呎的三房兩廳設計，單位空間四正，實用率約75%，且擁維港海景，又有酒店式會所設施，很適合四人以上的家庭。
渣甸山空氣好利健康
地址/地段：渣甸山大坑道50A號
發展商：MasterKingHoldingsLimited
物業層數：24層 物業座數：1座
建築面積：約1,150至1,366平方呎
單位總數：48個
呎價：約$7,500-$8,500
配套設施：位處於灣仔區中學名校網、鄰近購物心臟地帶銅鑼灣。
旺位要睇出生季節
其實每個人都有唔同當旺的方位，春夏秋冬四季出生的人，都分別有佢哋自己當旺嘅方位㗎，如果去旅行或者想置業，就要參考一下以下提示。
春（即陽曆4/2-4/5）
當旺位置：南方，忌：東方。
夏（即陽曆5/5-7/8）
當旺位置：西、北，忌：東、南。
秋（即陽曆8/8-7/10）
當旺位置：東、南、北，忌：西。
冬（即陽曆8/10-3/2）
當旺位置：東南，忌：西、北。
家宅風水催旺及化解法
如果你間屋唔係食正嚟緊嘅旺位，唔緊要，楊師傅都有方法教你催吉解困。
家在東北鹽水硬幣解危
主傷風感冒、氣管毛病的五黃廉貞凶星落在東北位，是今年的病位，如果家宅咁啱喺正呢個位只要在東北放一碗加入粗鹽和6個五毫硬幣的清水（即安穩水），就可以減輕厄病壞運。
植物向西南財源滾滾來
今年的財運位在西南方，即使你家住在其他方位，都唔緊要，只要在家中向西南的方位放水種植物，即可催旺財運。
要有桃花東南放金鼠
想行桃花運，但又唔係住在東南面，點算？無緊要，在家居的東南面放一碗有6個五毫子嘅清水或金鼠肖像，可增加人緣運。
正東盆栽催健康
想有利健康，或者想生BB，不妨喺正東方擺放4盆盆栽，或者放置1張綠色地毯，可以催旺健康運或者喜事之用。
毛筆擺正西增讀書運
想加強文昌力量，可在家居的正西方擺放文昌塔或者掛上4支毛筆。
