名模樂基兒近年可謂事業愛情兩得意，剛剛與男友黎明甜蜜赴北海道滑雪共度情人節，愛得甜蜜，而事業雖因修讀藝術課程而工作量大減，不過收入卻越來越可觀，少勞多得，完全是一般升斗市民的心聲。早前樂基兒親自畫可愛的豬年賀卡，學寫中文祝福語祝賀讀者豬年快樂。
樂基兒（Gaile）和男友黎明日前已到日本北海道，過一個甜蜜假期。近年忙於修讀藝術課程的Gaile，工作量大減，早前為了測試她的畫功有沒有進步，記者買了一盒彩色畫筆請她畫賀年豬。Gaile大方應承後，卻儍更更說：「其實我畫畫唔係咁叻，仲學緊，又未畢業，不如我畫張細細哋㗎啦。」
賀卡凸顯童真
Gaile將大畫紙摺成賀卡，然後用黑筆在短短10秒內，幾筆畫完一隻可愛小豬，線條明快，充滿童真。不諳中文的Gaile更臨摹記者的中文字，寫上「豬年快樂」字句。
在美國長大的Gaile性格洋化，向來不太熱衷過農曆年，她說：「新年主要係放假，不過對我嚟講都係一個新嘅experience，我好多嘢都冇試過，冇行過花市，因為好似好多人去，又冇乜人畀利是我，可能因為我唔喺香港啦。」
一次過拆利是
近年Gaile在港的知名度提升，可會有人派大利是給她？Gaile說：「大多數都係$20，有幾張$100啦，之後就冇乜，其實多少冇所謂，因為呢樣係luckymoney，我會全部儲起晒，一次過好似boxingday咁拆，好開心！」
採訪：DebbieLum 攝影：MatthewLam
服裝：上海灘
場地：isolabar（IFC）
