每年農曆年，黃伊汶（Emme）家中會聚集一眾親朋好友，攻打四方城或是玩「魚蝦蟹」，變成一個小型賭場。不過Emme今年的新年節目或者有變，因為她最近參演電影《蠍子》，要親身上陣拍攝很多武打鏡頭，要勤練武。
早前Emme買了兩把劍在家中練習，其弟自然成為她的對手，她說：「呢排我拍打戲已經拍到成身瘀晒，返到屋企捉住細佬同我練劍，有時佢唔小心篤到我，我有時唔留神又打到佢，阿媽見到都鬧我哋過年流流打打殺殺。」
攝太歲求安心
Emme續說：「今年我唔會參與賭局啦，改為格劍，上嚟我屋企拜年嘅親戚朋友要同我耍一輪劍先畀佢哋埋位打牌，我諗過完年我啲武功應該會突飛猛進。」
此外，屬猴的Emme犯太歲，迷信的她說：「每年我會買幾本運程書睇吓自己有乜嘢要留意，犯太歲嗰年一定叫阿媽幫我攝太歲，做咗個心安樂啲。」
採訪：FredaLee
攝影：DickyChan