大年初二，祝大家事事順利，充滿驚喜，HaveaWonderfulYearofPig!
阿甘老兄說過：「人生就像一盒朱古力」。黃霑博士對我說過：「肥仔，做人唔使Plan咁多，Plan咁多點知第二日瓜咗老襯點算？唔使Plan咁多，覺得啱，就做。」
鄭中基第一次當導演，以他及金牌經理人Paco的人脈，理應只要肯開聲，大明星們一定樂於參與，事實亦然，梁家輝及毛舜筠兩位確然二話不說便成為Teammate，明顯很愛錫阿基。
一天，阿基隆重地Book了枱請我吃飯，原來阿基邀請我參加演出《心想事成》，聽罷導演跟編劇葉念琛講故事後，明瞭角色佔戲甚重，受寵若驚，登時的反應是提議不如找穩重些的選擇來演，但兩位戰友意志甚決；翌日，連投資者們亦表示投信任一票，萬千寵愛集一身，惟有讚句你哋有眼光，自當悉力以赴，做到加零七。
答應了歸答應了，心中未停過忐忑，當賀歲片男主角可是我生命中的大事，應怎樣去GetTheJobDone？除了參與討論劇本及造型，還要作心理素質上的調整，直至先知級智者──我的好友張達明拍着我的膊頭說：「最緊要開開心心，呢齣係一齣賀歲片，只要我哋一班人拍嘅時候開開心心，觀眾係會感覺到嘅。」及此，我想通了。
LifeisLikeaBoxofChocolate，哪會想到，有一天我會當上賀歲片男主角?!
祝大家豬年喜事重重，健康財富滾滾來。