港聯雖然飲恨12碼，但同樣都是贏盡球迷掌聲。與以往不同的是，今年購套票可獲送南華對水手門票；門票價新低、歐偉倫及李健和復出，更將一批曾離棄本地波的球迷帶返球場。
謝先生（19歲）
「有如此的氣氛，球迷先至會有mood！加上波飛60蚊睇兩日4場賽事，真係抵到爛！覺得港聯T史高斯表現還可，但歐偉倫就唔掂，經常橫傳。」
蘇先生（24歲）
「我鍾意巴西，好似港聯隊內嘅巴西球員，例如T史高斯同高尼路，我今年就帶埋巴西旗入場捧港聯。現場氣氛我畀90分！」
Ruben（23歲）
「我本身是荷蘭人，但今次撐牙買加，是因為兩國家文化相近，荷蘭同牙買加都充滿着自由的氣息，捧牙買加等於捧祖國一樣親切。」
趙先生（24歲）
「自李健和效力東方時已是他的球迷。今次知道『和仔』復出，就專登入場，見佢表現不錯，換入後右路活力大增，事隔8年再踏足球場睇波，證明冇錯。」
