農曆新春去廸士尼，當然要搵着唐裝的米奇和着旗袍的米妮合照留念啦!但更加要搵嘅角色，就係廸士尼三隻小豬!
為慶祝豬年來臨，香港廸士尼今次特別請來三隻小豬同大家一齊迎豬年，今次仲係佢哋首次來港㖭，排幾耐隊都要把握機會同佢哋一齊合照啦!除了三隻小豬、米奇和米妮之外，其他一眾廸士尼朋友好似唐老鴨、高飛等也會穿上各種特別訂做的中國傳統服飾，同大家拜年和拍照!
為了賀新春，樂園內早已粉飾一番，美國小鎮大街上掛滿揮春、爆竹裝飾和放滿年花，非常之有新春氣氛。此外，廸士尼還有很多其他新春慶祝活動，好似園內有個「米奇桃花源」，據說圍住繞一圈會大行桃花運！我們的女Model知道後，即刻圍住桃花源勁跑，話希望來年覓個如意郎君咁話。
必合照：着唐裝米奇米妮
一場來到，當然要同着住唐裝的米奇和穿旗袍的米妮合照。
花車巡遊
新春期間，樂園內還有舞龍表演，此外，平日的花車巡遊當然都係必睇節目啦！有一班反斗奇兵同你一齊過年，夠晒開心熱鬧！
新春有口福
大街餐廳新春套餐
廣場餐廳賀年宴
必試小食：豬仔包
影完相，大家記住要去市集餅店買新春特別食物──好可愛好好味、豆沙餡嘅「豬圓玉潤」豬仔包！另外還有魚仔形嘅「年年有餘」包、壽桃形嘅「吉星拱照」包包，必試！
必買小鳳仙衫
影完相、睇完花車巡遊之後，一定要到大街嘅ShoppingMall，買番啲新春特別手信，以及買番一套米妮小鳳仙裝去拜年。
於「廸士尼迎新春」期間樂園會延長開放時間：2月17至24日由上午9時至下午9時
新春期間門票：成人$350、兒童（3-11歲）$250、長者（60歲以上）$200
查詢:www.hongkongdisneyland.com/news