郭富城喜歡吃魚翅，但日日魚翅總有吃厭時，故更愛住家飯，皆因吃一世也不會厭，不過他強調最愛吃母親煮的住家飯，難道其緋聞女友熊黛林的手藝只屬一般？看來熊黛林要加把勁，用廚藝來箍着男友了。
郭富城曾被指喜歡用魚翅撈飯，今次他親自下廚煮出一道「秘魯式河蝦魚翅濃湯」，看看他究竟有多喜歡吃魚翅。當他拿起材料煮翅時，有板有眼，還不時玩拋鑊，問城城是否真的喜歡用魚翅撈飯？他笑說：「冇咁誇張，雖然我係鍾意食翅，不過都唔係成日食嘅，如果日日食，好味都變唔好味啦。」
感情事隨緣
城城的廚藝雖然不是很了得，但間中也會在家下廚。問他有沒有為女朋友下廚？城城笑說：「我都係鍾意人哋煮畀我食多啲。」問他最喜歡吃甚麼菜？他說：「我最鍾意係住家飯，尤其係阿媽嗰啲。」如果城城有女朋友，也可以嚐到女朋友煮的住家飯，城城對此說：「都係阿媽煮嘅好啲，女朋友嘅嘢都係隨緣啦，我𠵱家都係專心工作。」
主攻電影圈
不過城城和熊黛林的緋聞傳個不停，對於緋聞，城城抱着一笑置之的態度，他說：「緋聞嘅嘢我都控制唔到，睇完笑吓咪算囉，都做咗咁多年，對於八卦嘅新聞唔會再咁認真，而且咁大個人同朋友食吓飯都好正常啫。佢哋鍾意寫乜就寫乜，我都冇辦法。」城城的新年願望是工作順利，今年將繼續主攻電影市場，希望能繼續做出好成績，今年他也會舉行演唱會，望給觀眾驚喜。
採訪：胡比 攝影：陳慧安
服裝：上海灘、JustCavalli
化妝：HettyKwong
場地提供：亮明居
