韓國女星河知雲日前啱啱完成10年大學課程，而佢夥拍男星任昌丁主演嘅新片《一番街的奇蹟》，截至噚日入場人數累積超過58萬人次，成為新春假期票房No.1，真係雙喜臨門。《一》片由電影《我班Friend好搞嘢》班底炮製，河知雲同任昌丁相隔五年再合作，佢喺戲入面扮女拳手，拍攝時俾人打到口腫鼻腫，難怪佢話如果電影超越300萬入場人次，要同導演追討湯藥費啦！