【本報訊】全港市民昨日喜氣洋洋團年，惟獨部份購買了美心集團年糕券的市民一肚氣！原因是美心西餅多間分店的蘿蔔糕和年糕昨日一度缺貨「擠提」，令大批趕辦年貨的市民大失預算。有人要連撲四間美心分店搶換年糕、蘿蔔糕，搶不到便「冇糕過年」。美心集團發言人就事件向顧客道歉，又表示會盡力善後。 記者：林浚川、黃嘉寶、倪清江
「啲年糕券我真金白銀拎錢出嚟買㗎！今日（年三十）竟然話冇得換，咁我去邊度搵年糕過年？」自稱美心長年顧客的潘太是其中一位「冇糕過年」受害者，她一共購買了14張年糕券，總值約600元，但昨晨到美心分店換領時，店員竟表示蘿蔔糕和年糕早已換罄。
「真係令我好激氣」
潘太憶述，店員建議她換領其他糕點、臘味，甚至是集團旗下快餐店現金券，但遭她拒絕。「畀快餐券我有乜用？我𠵱家冇錢食飯咩？我要年糕過年呀！」更令潘太氣憤的是，美心顧客服務熱線只有留言信箱，沒有即時對外公布哪間分店尚有年糕換領，最終她甚麼也沒有換到，強調會追究到底：「我幫襯美心買月餅、年糕咁多年，都未試過咁樣，真係令我好激氣！」
事實上，本報昨晨接獲多名讀者投訴，怒斥美心在過節關鍵日子「冇糕換」，多間分店更出現人龍，情況一度混亂。記者以顧客身份中午致電多間美心分店查詢，職員均表示「冇糕換」，部份表示下午約5時有貨，着記者登記資料，或及早到店外排隊換領。
記者趕往太古地鐵站及康怡廣場的美心分店了解，地鐵站內的美心職員表示店舖未能提供蘿蔔糕，同樣建議記者留下聯絡電話，一旦有貨便會立刻通知。康怡廣場的美心下午則獲總公司「補給」年糕，不時有顧客從其他地區前來換領。
成功在康怡分店搶換年糕的紀先生慨歎：「我喺北角搵咗幾間都冇，後尾知道呢度有即過嚟換。」另一位市民張小姐則批評美心換糕情況混亂：「間間舖準備嘅數量都好唔同，要逐間問先知，我去咗好多間至喺呢度換到！」
集團：初一可來換
美心集團發言人就事件向客戶致歉，又解釋是物流運送出現問題，令部份產品一時未能送往指定換領店。發言人強調，集團已即時作出彈性處理，讓客人換領其他價值相若的糕點或食品，顧客亦可於日內憑券選擇退款。雖然該批年糕換領券上都寫有截止換領日期為2月17日，但發言人表示會酌情處理，又表示年初一、二、三美心餅店均會照常營業，市民可以安心到各分店換領。
美心蘿蔔糕「擠提」善後措施
補領糕點：可憑換領券到各美心西餅換領券上指定產品，如該產品已換罄，可換領價錢相若的其他產品
憑券退款：可憑換領券到各美心西餅退款，由於換領券價格有別，退款前宜先致電美心熱線
酌情處理：如顧客既不要貨，又不要錢，可致電聯絡美心顧客服務人員商討
查詢熱線：21011333
提供意見熱線：28680598
傳真：22167883