豬中自有黃金屋，豬中自有顏如玉。香港人養豬只有一個目的，就是食，能夠安享天年的豬，少之又少。保護遺棄動物協會的Peter仔被置「豬」死地而後生，今年還有靚屋住；嘉道理農場一家十一口陰盛陽衰，豬仔大發春情，為爭豬女而打大交，傷了身體，也傷了感情。
嘉道理農場飼養了11隻豬，一家大小，全屬「大花白」種。父親囝囝生於1998年，兩歲時誕下10名兒女，7女3男全部生於2000年的國慶日，媽媽現時已經去世。大花白豬是香港日常食用的豬種，嘉道理養着這頭家，純粹為了公眾教育，沒有打算屠宰食用。
發情期大動干戈
春節流流應該一團和氣，但幾隻豬仔偏偏愛在這陣子動干戈。嘉道理發言人Michelle說：「春天係發情期，豬隻並無倫常概念，佢哋聞到啲豬女姊妹嘅氣味，會有啲情緒，豬仔之間會打交，所以呢幾日受咗傷，不過冇乜大礙，只不過係皮外傷。」也許嘉道理怕新正頭見紅不好兆頭，記者探訪當日，農場索性把受了傷的豬仔關起來，不讓傷口曝光。
那七隻豬女，肥屍大隻，一眼就看得出好食好住。嘉道理不想囝囝家族繼續壯大，為了控制生育，把豬仔與豬女隔離，分別放在兩個不同豬欄。爸爸是獨居老人，不能與豬仔同住，Michelle解釋：「爸爸年紀大，體力下降，唔夠啲仔大，一齊住好容易會受傷。」不過一家人還是可以互相探望的，豬仔豬女們更時常隔着鐵欄鼻碰鼻親熱。
嘉道理農場有群豬賀歲，元朗的保護遺棄動物協會則一豬獨秀。Peter仔是保護遺棄動物協會的鎮會之寶，不過牠日前悶悶不樂坐在豬屋一角，皆因屋內原先的石屎地太硬，豬腳給弄傷了，行動不便。協會過年前已開始趕工，給牠造一個泥地豬屋。
Peter仔是被元朗豬場遺棄出來的流浪小豬，三年前，保護遺棄動物協會職員發現牠流落在車來車往的馬路上，遂把牠謢送到協會。經獸醫診斷證實Peter仔患有豬瘟，而且嚴重營養不良。經過悉心治療，Peter仔逐漸康復過來，如今更成為協會的大明星。
記者：蔡元貴