喺德甲包尾過冬嘅緬恩斯，歇冬後判若兩隊，5戰4勝1和兼入8球失兩球，慢慢逃離護級地帶；而佢哋突然咁勁，全靠喺上個月由雲達不來梅加盟嘅穆罕默德施丹（買斷）同利安安達臣（借番嚟），事關佢哋加埋入咗7球。相反不來梅歇冬後走晒樣，仲連輸3場聯賽，𠵱家落後史浩克7分，唔知佢哋有冇後悔將穆罕默德施丹同利安安達臣送走呢？