啲人成日用個姣字嚟形容三色台花旦「阿鱔」，其實真係好貼切，佢只要一見到男人，即刻雙眼放光，連對住傳媒都控制唔到，有男記者埋身，就好鬼醒神咁同人嘻哈講笑，見到女記者就眼光光冇嚟反應，一個問題問完要「吓」幾次先答到。𠵱家姣鱔喺三色台有接班人咯，同樣係選美出身嘅新晉花旦「阿問」，雖然公開咗有個中坑男友，但見到男人嘅上電效果比阿鱔有過之而無不及，見到同性就面黑黑，講真連帶「數字高層」都有咁嘅傾向，錫親都係靚仔小生，就算對住幕後嘅男性，都會笑笑口，見到女人就cool爆。 Textby關仁