高志森噚日接受商台電話訪問，透露由佢監製嘅舞台劇《喝彩》主要講三個分別濫藥、爛賭同抑鬱嘅年輕人嘅故事，仲會唱好多陳百強同張國榮嘅歌。高志森話當年張國榮同陳百強拍《喝彩》時曾傳出不和，仲話佢哋有要求過唔同場拍攝，不過佢話張國榮後嚟同佢講過，喺陳百強昏迷時，都有入去睇佢，高志森話聽到嗰一刻覺得好感動。