蕭定一（右）新簽嘅整容女星吳文忻（左）喺電視公開寸周汶錡係大話精，日前漢傳媒高層王晶出面還擊，寸番吳文忻係茄喱啡兼要封殺蕭定一公司。一向敢言嘅蕭定一噚日態度轉變，話從來冇處心積慮借周汶錡做宣傳，可能係言語間有誤會，所以佢公司同吳文忻向周小姐講聲唔好意思，但佢對於王晶話要採取封殺同法律行動，就話以後都唔會回應。