英格蘭足總盃進入16強賽事，我嘅立場好簡單，只要球隊正常發揮，根本無可能爆冷！我從來都唔係好信數據分析，反而覺得睇近況嚟預測會好少少！但係如果可以預測，皇馬主場就唔會輸波！
反觀英格蘭足總盃車路士對諾域治，一場贏硬嘅賽事，大家點睇呢？又可以點樣贏多啲呢？除咗玩「入球大細」之外，今日我會轉攻「半全場」。睇番車仔近況，真係越戰越有，「主客和」已經冇意思，「讓球主客和」要「主勝」都可能好啲！我就進取少少，試吓「半全場」，我會要「主主」。睇番最近車仔呢3場波都係「主主」，上半場已經可以贏波！而喺足總盃比賽，舒夫真高繼續有波入，我相信對住諾域治，大家博吓「核彈」「首名入球」都應該ok！
至於今晚阿仙奴對布力般，我點都撐客隊！亨利實在太衰格兼冇品，對韋根嗰場波對住卻克蘭做出一啲不君子行為；當然我一直都唔覺得佢有資格成為一級球員，所以我會支持布力般。
周鵬
商業1台《球迷集中贏》主持
電郵：[email protected]