同在外國長大的半唐番貝安琪（Ankie）和吳嘉龍（Carl），原來思想傳統熱愛農曆新年，他們均會在新年行花市和入廟拜神，Ankie謂「會做晒所有goodluck嘅事」，Carl更每月到黃大仙或文武廟上香，年頭年尾去求神還神，真是神婆都沒他那麼神心。
兩個半唐番貝安琪和吳嘉龍在外國長大，對新年的傳統習俗一知半解，早前他倆相約在金鐘試玩舞獅。初時二人爭做獅頭，Ankie爭贏後，開心得不停用腳扮踢Carl，弄得Carl要大叫：「Don'tkickyourass！（唔好踢你自己屁股呀！）」
大頭佛上身
之後Ankie要站在Carl大腿上採青，可惜怎樣跳都不成功，累到想放棄的時候，卻發現有個五歲的外籍小朋友偷影，兩個童心未泯的半唐番，即時舞獅上前嚇細路，弄得對方𠵱嘩鬼叫。之後拍攝靚相時，Carl又將大頭佛公仔放在Ankie頭上，弄得她哭笑不得，二人鬼聲鬼氣，可謂襯到絕！
Ankie說舞獅辛苦得像做瑜伽，她說：「細個喺德國學校裏面見過未玩過，今次覺得好好玩，不過好大運動量，拎個lionhead時，舉到我隻手都軟晒，出晒汗，最enjoy嗰part係企喺Carl大腿位，好難就力，不過好好玩。」
Ankie在德國長大，故她十分愛農曆新年的熱鬧氣氛，她說：「我細細個成日跟阿姨去行花市，佢哋買我就負責拎，媽咪過年都係畀redpocket我，我自己儲起啦，同埋會去行temple，雖然我領洗過，不過我好鍾意做晒呢類goodluck嘅事。」她謂新一年只希望世界和平，全球經濟改善。
Carl對舞獅則不算陌生，加上他曾經學過詠春、空手道等，他說：「細個媽咪買過一個細細嘅舞獅畀我玩，一個人玩得好開心。」不說不知，原來他十分迷信，每月都會去黃大仙或文武廟上香，年頭年尾更會求神還神。Carl說：「我係好傳統，細個食團年飯試過坐晒全層福臨門，坐足幾圍㖭。拜年時，媽咪同啲auntie係要跪低斟茶。」
等真命天子
一向愛媾女的Carl，問他新年願望可是希望桃花多，女友多？他說：「唔使住，有個師傅話我35、36歲會結婚，真命天子會幫我生四、五個仔女，不過呢個女仔我仲未搵到。」他與Ankie外形、性格十分相襯，何不主動追求？他說：「佢係好nice，不過我當佢係我妹妹。」
採訪：RitaLeung、DebbieLum
攝影：MatthewLam
服裝提供：裕華國貨
鳴謝：郭氏功夫金龍醒獅團
