美容公司老細「燒定先」好鍾意藉緋聞宣傳，早排佢同四兜集團太子女傳緋聞，俾人影到佢同太子女慶祝生日後，送對方返屋企，仲送埋goodbyekiss，原來一切都係燒定先部署，跣到太子女攤攤腰。關仁最近同太子女個閨中密友傾開偈，佢話太子女根本同佢唔熟，太子女生日嗰晚，燒定先無端端話送佢返屋企，當時太子女覺得好奇怪，跟住返到屋企門口，燒定先又忽然錫佢一啖，嚇到佢唔知點反應，冇幾耐就見到雜誌登咗啲相，先知道俾燒定先利用，最慘係太子女阿媽睇到報道㷫過辣雞，唔准太子女去夜街成個月！ Textby關仁