聽日就係大年初一，記得細個過年有好多禁忌，例如唔可以買鞋、掃地、倒水、倒垃圾、用針線、問人借錢、講嘢「死死聲」等。母親大人守舊，凡事做到足，不過最難忍受的，莫過於大年初一至年初七都唔畀洗頭，確係頭痕。時代唔同，好多習俗簡化，可以說是百無禁忌，不過大部份人都仍然避免喺年初一洗頭，怕會沖走晒新一年好運。咁究竟有冇咁嘅根據？據玄學家方海閱所講，年三十晚上11時之前，所有人都應該已洗頭沖涼迎接新一年，因為過咗晚上11時亦即踏入子時，已算是年初一，年初一洗頭會洗走財氣，故可免則免；如真係有需要，最好選擇到髮型屋搞掂！
記者：小雲
網址：www10.discuss.com.hk/viewthread.php?tid=3455749&extra=page%3D1