「唱K」同「硬瘋」係死黨，近排佢哋拍埋同一套劇，朝見口晚見面，順勢就孖咇出擊，成日約埋一齊蒲。佢哋好興蒲銅鑼灣一間24小時無休嘅鐵竇，大家咪睇唱K平日唱歌跳舞好似死魚咁，蒲起嚟就勁好精力，佢通常凌晨兩、三點開始蒲，一玩就玩到第二朝下晝，邊劈酒邊攬女，生活都幾放縱。
硬瘋個儍仔就捨命陪君子，唔瞓陪佢癲，不過關仁聽講硬瘋都蒲得幾自律，雖然佢有錢又有樣，唔少女仔主動黐埋身，但佢都唔多吼，一來驚俾人發現，二來佢又真係好鬼奄尖，個女仔冇番咁上下條件，佢眼尾都唔望吓人，唔似得唱K咁飢不擇食囉。
Textby關仁
