被捲上近萬米高空，可以如何求生？有多年滑翔傘經驗的本港好手Alex指出，滑翔傘是種簡單的飛行工具，「唔會好似飛機咁有機身保護你，冇氧氣罩，亦都唔會保暖，唯一保命方法係做好預防措施。」
高空缺氧低溫 玩家束手
滑翔傘裝備包括頭盔、飛行傘、後備輔助傘，和一個緊急降落時減少撞擊磨擦的吊袋。另外也要配備全球定位儀（GPS）和指南針。Alex說：「基本上滑翔傘係一種好安全嘅運動，不過如果性格衝動、要威，咁就唔適合玩。」出事的澳洲地點，屬滑翔傘的「高級比賽場地」，難度頗高。
風暴、積雨雲是滑翔傘的大敵，但Alex解釋，現時已能預知天氣，關鍵只是運動員「對個人安全嘅認知」。滑翔傘國際標準的其中一條，就是「唔可以入雲」。若像德國女選手這次遭遇，「惟有聽天由命」。「捲到成萬米高空會缺氧，氣溫急降，呢啲情況你根本乜都做唔到。」
本港醫學會會長蔡堅指出，在沒有氧氣筒，禦寒衣物又不夠的情況，飛到近萬米高空只能自求多福，「呢啲情況冇乜解救方法，德國女選手可能因為體質好啲，所以先大難不死。人係好難同大自然對抗」。
本報記者