大家可能覺得奇怪，孫柏文作為一個百無禁忌、亂發噏風嘅自由市場支持者，居然可以從未講過我對領匯加租嘅睇法。冇辦法，因為講起領匯加租呢單嘢，孫柏文就連落筆嘅冷靜都冇，淨係諗都會令我爆粗。大佬啊！佢哋支持同反對雙方個個都迫我爆粗，雖然我唔似讀過幾年書，不過都係斯文人，要我爆粗，於心何忍？
咁唔可以寫出來，口講又爆粗，可以點？今日，孫柏文想賣一賣廣告。今晚9至10，我將會喺網上「人民電台」嘅《香港出路》節目，講領匯單嘢，希望大家可以到時候踴躍打電話嚟或者ICQ個節目。當然，大家要記得網上電台唔受廣管局監管，所以必定盡量發揮基本法保證嘅言論自由！網址www.prhk.org。
金手指網誌： http://phatdat.blogspot.com