睇番今期各大歐洲頂級聯賽「黑盤王」，輸盤率增加的球隊多達5支，真係輸開有條路；今期小弟重心推介西甲升班馬塔拉戈納對家。塔拉戈納今周就會作客桑坦德，心水清球迷，望一望隔離「紅盤王」個表，就發現桑坦德屬西甲贏盤王；「紅盤王」對「黑盤王」，真係唔使問都知道揀邊隊。
小弟都問過畢傑兄意見，佢都話桑坦德贏波十拿九穩，不過賠率冇鴨巴甸咁吸引啫；我就唔介意「執死雞」，全力推介桑坦德，講真桑坦德上仗作客巴塞輸2粒，受讓球半/兩球只輸半個盤，都叫有交代，特別一對前鋒施積同梅里廸斯停賽，都頂到巴塞上半場入唔到波啦。今次桑坦德回師主場，有呢兩大前鋒復出，加上塔拉戈納上次主場對奧沙辛拿，領先2:1下，都可以反輸2:3，平手盤連本都畀唔到支持者，就證明冇運之極。海外莊家開出桑坦德讓半/一，已經好辣，不過主W都有成1.65倍，唔好多心，簡單主W就夠啦。
文︰牽牛