美國人視運動如命，早前就有一個父親，因自己支持的美式足球隊打入決賽，而要求醫生替妻子剖腹產子－因為預產期正好在比賽日。未必每個人都如此瘋狂，但大部份美國人都無波不歡卻是事實，就算吃飯時亦如此。
體育節目多眼花撩亂
昨晚為了睇拜恩與勒邦占士的大戰，筆者專程到酒店對面的ESPNZone邊食飯邊睇波。一坐低，大銀幕播湖人對騎士的重頭戲，側邊7部較小的電視則播其餘體育頻道的節目，叫人目不暇給，眼花撩亂。
最正是自己桌面上有部touch-screen電視，可以選看任何一個體育台，喇叭則在梳化後面，完全「身歷聲」感受。在大電視睇波，半場休息時就看細電視其他節目的精華片段；雖然吃的不過是最普通的洋葱圈、雞翼和牛扒，但單是睇波已值回票價。
要香港有間可以這樣睇NBA的餐廳好像太遙不可及，倒不如希望有間播足球的餐廳肯如此落本；試想一下，前面大電視播英超阿仙奴對曼聯，桌上看其餘的英超和意甲，還可以睇到即時戰果，你話幾爽？