組合Soler前晚在佐敦一間的士高出席TechnoMarine新錶發布會，同場還有以低胸上陣的康華、陳自瑤、連凱、洪天明和女友等。問Soler大孖Julio情人節有否送禮物給緋聞女友Angela，他說：「我冇情人節。」及後再問及有關情人問題時，他都只笑笑口重複這說話。
康華等緣到
細孖Dino則謂兩兄弟在情人節要錄新歌，又謂沒有送花給女人的習慣，他說：「我冇女友冇送花，有都唔會送，我咁大個仔只過過一次情人節，因為次次都好快分手，阿媽話男人要以事業為先。」
康華早前被指與一年長男士拍拖，她說：「嗰個係我識咗10幾年嘅朋友，佢唔係異性戀，我同佢一齊好有安全感，大家係好姊妹。」問她有沒有男友，康華說：「搵緊，唔知今晚有冇咁幸運呢？」
採訪：王崇穎 攝影：陳志嵐