TCL多媒體最近被韓國LG電子喺美國提出起訴，指摘佢哋侵犯咗LG嘅技術專利，TCL一直未有正面回應，只係話正了解詳情。噚日TCL多媒體剛好舉行股東會，於是吸引咗班記者前嚟問個究竟。
華華當然都出動，等咗大半個鐘，TCL多媒體先開完會，見執行董事袁冰（圖）慢慢行出嚟，不過佢未有打算同記者講嘢噃，只係邊行邊話因為就快公布業績，所以是日冇乜嘢好講；有關LG嘅訴訟、係咪向冠捷出售波蘭廠房等話題，佢一律唔評論喇。咁臨近春節，可能佢為免不歡而散，就同記者拜個早年，祝大家新年快樂咁話，都算識做。
[email protected]