今周末新正頭博波膽過關大堆頭，可吼打比郡、伯明翰及科隆3支作客球隊，俱以小勝對手波膽贏波互串。
伯明翰回勇可追捧
英足盃兩支英冠球隊對碰場合，作客嘅打比郡近期喺聯賽走勢強勁，進佔咗榜首位置好一段時間，來季升班機會樂觀；今日到訪實力平平嘅普利茅夫，相信打比郡球員落到場，都冇乜分留唔留力打聯賽，話晒足總盃份量唔少，一於乘勢搏埋呢場，順便報卻首循環聯賽，作客此地輸1:3之辱，可敲打比郡小勝波膽。
呢邊廂打比郡要踢足總盃，排英冠聯賽榜第3位嘅伯明翰，正好趁機搶分，威脅對手榜首位置。今輪英冠秩序伯明翰作客鬥水晶宮，觀乎伯軍最近連續喺比較強勢嘅史篤城及高車士打身上搶到分數，今次鬥近況飄忽嘅水晶宮，贏面不俗，可取伯明翰今季客場贏波較常見嘅小勝1:0波膽。
德乙球隊科隆歇冬後表現醒神，近3仗連勝，重現季初時被視為升班熱門嘅勇態；今輪佢哋雖然繼上周作客贏榜尾布倫瑞克1:0之後，再度作客出戰，但對手同樣係榜末份子艾遜，相信科隆4連勝在望，博贏2:1合理。
文︰華度