講到「即場投注」，即係俗稱嘅走地盤，睇住場波嘅發展形勢，至決定向邊瓣出手，慳番賽前兩邊秤，又或者睇咗出場陣容後心大心細嘅腦汁，華度就覺得真係幾盞。今次就為大家提供「即場投注」攻略法，呢個新年齊齊向馬會𢭃利是去也。
下半場「1:1」常見
所謂「即場投注」攻略法，其實係華度連年喺戰果數字中嘅一點領悟（當然亦交咗唔少「學費」）嘅得着，諸君有權唔認同之，亦可以覺得無稽，都係想幫到大家贏錢啫。而今次所講，主要集中向「即場波膽」埋手，呢瓣分頭一般有保證。
基本上，華度會先確定咗半場比數，然後就集中下半場時段出擊。綜合多瓣上半場常見戰果，發現全場波膽大部份就等於將上半場比數，兩邊各加一球！亦有例外，如半場1:1，就離唔開全場仍企硬1:1，或其中1隊贏3:1呢兩瓣；半場某隊領先2:0，全場贏夠3:0都常見。
策略係中場休息或下半場時段出擊，只取附表列出例子其中一瓣「全場旺開」波膽，一般都仍然有6倍或以上分頭；成功達標的話，就算到時再射多瓣波膽當買「保險」，都有着數㗎。
文︰華度