品嚐完地道美食，就連落場參加越野賽嘅RaceTouareg都已經試坐完，咁當然繼續我哋餘下嘅試車旅程，將車駛到機場啦！
我哋沿途繼續經過不少Offroad路段，甚麼泥路、大斜坡同水氹都要駛過，過程驚險萬分，但同時又令我大叫好玩！直往前行接近100公里，我哋終於嚟到試車旅程嘅終點──突尼西亞機場，根據工作人員指示將車駛入停車場後，順道停下來繼續尚未完成嘅拍攝工作，喺呢個時喉，發覺好多試完車嘅Touareg，全車都布滿泥濘，甚至車位上亦留有唔少沙泥；同時，呢個停車場亦變咗做Volkswagen嘅陳列室，除新Touareg以外，就連Golf、Business，甚至連尚未到港嘅EOS開篷跑車都有，真巴閉！
記者、攝影：鄭達基