由銀行推廣活動變成一年一度城中盛事，渣打馬拉松可以話係代表作，今年會喺3月4日舉行，提起上屆10周年，好多人都記憶猶新，因為當日有近5000人不適，22人入院，當中兩人情況較嚴重，呢個情況，令到香港空氣質素有幾差，全球皆知，其次亦發現冇跑開馬拉松嘅市民，缺乏做運動嘅安全意識。
今年渣打當然唔想再見到呢啲情況，所以特別印咗本書仔叫《馬拉松101小秘笈》，志在推廣長跑知識，提升市民對呢樣運動嘅安全意識。搞笑嘅係，每個小秘笈都有幅漫畫，內容抵死有趣。
其中一個係咁嘅：「維持身體充足嘅水份係好重要㗎！如果你嘅尿液係好深色或者褐黃色，代表你有脫水迹象（同埋熱氣？？），咁你就要嗱嗱聲飲番多啲水喇。」（圖）
[email protected]