徐子淇成功嫁入豪門，與遷祖墳有關？子淇的堂伯父大前日向本報爆料，稱子淇精於術數的父親04年私自遷移祖墳，只利自己家宅，子淇更順利進豪門，堂伯父的生意自此卻一敗塗地。堪輿師李丞責也認同遷墳可以改變後人運氣，有傳子淇已懷有李家骨肉，莫非與徐父的風水大法有關？
徐子淇去年嫁給恒基兆業二公子李家誠，成為富豪李兆基的新抱，婚前高調見報的子淇，有傳為了安胎而深居簡出，做其李家媳婦。一向視子淇如掌上明珠的徐爸爸徐傳順和徐媽媽彭雪芳，卻招來親戚怨言，子淇的堂伯父徐傳源向本報爆料，指徐傳順利用風水助女兒嫁入豪門。
本報大前日接獲自稱子淇堂伯父的男子徐傳源來電報料，他稱不滿意擅長風水術數的徐傳順在沒知會他的情況下，於04年12月突然把子淇太嫲林懿慈的墳墓由荃灣華人永遠墳場遷走。他懷疑此舉影響祖墳風水，以致徐傳順的愛女終如願嫁入豪門，但自己近年則生意失敗，現在更失業。
親起命盤
徐父：子淇一定入娛圈
徐傳源前日更專程由內地來港，相約記者尋墳。他先到荃灣華人永遠墳場舊日墳地查看，果然舊墳被掘起，地上留下一片黃土，他一臉無奈的說：「徐傳順好叻術數，佢成日喺親友前自誇子淇一出世就同佢起咗個命盤，註定佢要入娛樂圈。記得03年有一日，徐傳順打電話畀我話自己呢排好唔掂，猛話阿嫲個墳風水唔好，因為對面有支焚化爐，問我搬走佢好唔好。我認為問題唔大，但堅持要佢擇好動土日子要通知我去拜吓，點知佢靜雞雞搬咗都冇通知我哋呢房人，直至我細妹佢哋去拜山搵唔到山墳，你話有冇搞錯？」
徐傳源隨即到辦事處查詢，當日為子淇太嫲立墳的是徐傳順父親徐瘦秋，所以徐傳順這一房人可以直系親屬身份申請遷墳，幾經查探，最終發現遷到將軍澳華人永遠墳場的骨灰龕，於是徐傳源馬上乘的士往拜祭。
問徐傳源為何向記者大爆堂弟徐傳順遷墳一事，他說：「真係好巧合，遷墳後嗰幾年，我黑到暈，我本來有成千萬身家，但生意近年一落千丈，最近內地間餐廳都執埋，我𠵱家仲失業。我對徐傳順私下遷墳一事好唔滿意，佢要為佢嘅行為負責任。我知法律上佢申請遷墳係啱，但情理上佢要通知其他幾房人，因為個阿嫲我哋都有份。」
徐傳源透露徐傳順偶爾會透過其胞姊徐寧寧相約家族眾人飯敍，他說：「徐寧寧仲話下次食飯要食滿月酒。」言語間暗示子淇已懷有李家骨肉。記者前晚致電徐寧寧，求證她可是徐傳順胞姊、子淇姑媽，她直認不諱，但當提到徐傳順遷墳沒通知堂兄時，她說：「我哋親戚關係好好，遷墳當日係有通知所有人，不過呢啲係我哋屋企嘅事，我唔方便評論。」徐傳源稍後再致電記者，他說：「徐傳順啱啱打過電話畀我，話如果有記者打畀我要同一口脗，佢早知今日，何必當初，佢又同我喺電話道歉。」
改變運氣
堪輿師：好地有利後人
記者昨日致電堪輿師李丞責，他表示遷祖墳可利後人家宅，他說：「如果先人個墓地對住焚化爐，其實風水上嚟睇真係唔好，會影響後人高壽同健康各方面，搬遷祖墳就好似轉工咁，搵到個好地絕對可以有利後人，換句話嚟講，遷墳都係改變後人運氣方法。」子淇母親的電話則轉到留言信箱，至截稿前仍未有回覆。
採訪、攝影：林妃、郭強
