報紙成日吹話香港經濟轉好，好多打工仔都有人工加，實情係點，要睇大家做邊行。主打細價樓市場嘅屯門地膽代理祥益地產班後勤員工，對呢個講法就一定冇異議。
提升後勤入董事局
佢哋舊年5月嘅加薪幅度由12至20%不等，今年平均加11%，拉勻計，唔夠1年嘅平均加薪幅度係23%！幾乎拍得住金融投資界。
老闆娘汪陳葉菁形容，總部寫字樓係神經中樞，領導一班前線經紀作戰，所以除咗加薪鼓勵之外，嚟緊會重點培訓同提升佢哋成為董事局要員之一。班後勤員工聽到汪太呢番話，係咪即刻覺得前途一片光明呢？
問老闆汪敦敬班後勤平均幾錢人工，會唔會好重負擔呢？佢就即刻封口，只係話基層員工嘅起薪點可能唔夠出面大行多，但1年加23%，做兩三年，同外面比已經有過之而無不及啦。
[email protected]